戶戶送一直以嚟都致力於提升你嘅送單體驗。由而家開始，你就可以瀏覽全新更新嘅一站式外送專員網站，等你可以更簡單地獲取所需資訊及支援！💪🏼
以下為全新戶戶社區嘅五大更新：
一. 內容主題分類
喺過去數星期，營運團隊重新整理外送專員相關嘅資訊，並且分類成多個主題（保險計劃、疫情須知、應用程式、送單須知、費用獎賞、裝備配件、戶戶新手）等等，你只需要喺網站點擊右上方「目錄」，就可查看所有主題相關資訊。
二. 增設超過100條常見問題 📑
戶戶送亦明白到外送專員係分秒必爭，因此，我哋將平日最常收到嘅查詢，轉化成一系列常見問題。毋須消化長篇大論嘅文章，你就可以得到解答。
三. 內設搜尋引擎 🔍
新網站更內設搜尋引擎，你可以於搜尋欄上輸入任何關鍵詞，就會見到以「常見問題」、「最新資訊」及「主題」分類嘅資訊。
四. 聯絡我們功能 ☎️
新網站內容豐富，涵蓋各種常見問題，但你依然可以隨時隨地提交查詢及意見，營運團隊會儘快解答！
五. 用手機瀏覽都超方便📱
新嘅用戶界面，令你可以喺路途中更加輕鬆地瀏覽資訊，帶畀你更流暢嘅體驗。
與此同時，舊戶戶社區網站亦會於7月22日起停止服務，如有任何疑問，請按此聯絡我們。